"Qarabağ" Azərbaycan futbolu tarixinə düşüb.
Milli.Az apasport.az-a istinadən xəbər verir ki, Ağdam təmsilçisi ardıcıl 4 dəfə ölkə çempionu olan ilk komanda adını qazanıb.
2013/14, 2014/15 və 2015/16 mövsümlərində də qızıl medallara yiyələnən Qurban Qurbanovun yetirmələri bu dəfə sona 2 tur qalmış rəqibləri üçün əlçatmaz olub. "Qəbələ"nin Gəncədə "Kəpəz"ə 0:2 hesabı ilə uduzmasından sonra səfərdə "İnter"i 3:0 hesabı ilə məğlub edən "Qarabağ" xal hesabını 56-ya çatdırıb. 49 xala malik "Qəbələ" çempiondan 7 xal geri qalıb.
Bunadək ardıcıl çempionluq sayında rekordun şəriki olan ağdamlılara qədər "Neftçi" 3 dəfə qızıl medalı sıralamışdı. Bakılıların 2010/11, 2011/12 və 2012/13 mövsümlərindən sonra rəsmiləşən "het-trik"ini ötən il təkrarlayan "Qarabağ" daha uzağa gedə bilib.
Bu mövsüm qazanılan uğur klub tarixində 5-ci olub. İlk çempionluğunu 1993-cü ildə bayram edən əyalət təmsilçisi artıq 5 qat ölkə çempionudur.
Bu isə rəmzi olaraq ulduz daşımaq hüququ verir. Belə ki, əksər yarışlarda 5 dəfə qalib gələn komanda loqosu və formasında ulduz nişanı əks etdirmək haqqı qazanır. Azərbaycan çempionatlarında indiyədək yalnız "Neftçi" bunu bacarmışdısa, "Qarabağ" ulduzuna qovuşan 2-ci komanda olub.
Ümumiyyətlə isə "Neftçi" hamıdan çox - 8, "Qarabağ" 5 dəfə çempion tituluna yiyələnib. "Kəpəz"in 3, "İnter", "Bakı", "Şəmkir"in hərəyə 2, "Turan"la "Xəzər Lənkəran"ın 1 qızıl medalı var.
mövsüm |
çempion |
1992 |
"Neftçi" Bakı |
1993 |
"Qarabağ" Ağdam |
1993/94 |
"Turan" Tovuz |
1994/95 |
"Kəpəz" Gəncə |
1995/96 |
"Neftçi" Bakı |
1996/97 |
"Neftçi" Bakı |
1997/98 |
"Kəpəz" Gəncə |
1998/99 |
"Kəpəz" Gəncə |
1999/2000 |
"Şəmkir" |
2000/01 |
"Şəmkir" |
2001/02 |
yarımçıq qalıb |
2003/04 |
"Neftçi" Bakı |
2004/05 |
"Neftçi" Bakı |
2005/06 |
"Bakı" |
2006/07 |
"Xəzər-Lənkəran" |
2007/08 |
"İnter" Bakı |
2008/09 |
"Bakı" |
2009/10 |
"İnter" Bakı |
2010/11 |
"Neftçi" Bakı |
2011/12 |
"Neftçi" Bakı |
2012/13 |
"Neftçi" Bakı |
2013/14 |
"Qarabağ" Ağdam |
2014/15 |
"Qarabağ" Ağdam |
2015/16 |
"Qarabağ" Ağdam |
2016/17 |
"Qarabağ" Ağdam |
Milli.Az
Digər maraqlı xəbərlər Milli.Az-ın Facebook səhifəsində