"Qarabağ"ı çempionluq münasibətilə təbrik edirəm. Bəzi çətinliklərimiz, müdafiədə problemlərimiz var idi. Xüsusilə müdafiənin cinahlarında, İlkin Qırtımov və Slavik Alxasovun yoxluğu öz təsirini göstərdi".
Milli.Az apasport.az-a istinadən xəbər verir ki, bu sözləri "İnter"in baş məşqçisi Zaur Svanadze deyib.
Azərbaycan Premyer Liqasının XXVI turunda "Qarabağ"la qarşılaşan paytaxt təmsilçisi 0:3 hesablı məğlubiyyətə üzülüb.
Oyun başa çatdıqdan sonra gürcü çalışdırıcı jurnalistlərin suallarını cavablandırıb: "Yaxşı ki, vaxtından əvvəl 3-cü pilləni təmin etdik. Yoxsa bizim üçün çətin olardı".
- Növbəti iki tur "İnter" üçün hansı əhəmiyyət kəsb edəcək?
- Növbəti iki oyunda ola bilsin, gənc oyunçulara üstünlük verək. Oyunçular çox yorulublar. Bizdə həm də, transfer qadağası var. Gənc oyunçulara şans verilməsi həm də bu cəhətdən əhəmiyyət kəsb edir.
- Rauf Əliyev əvəzlənərkən, sərt şəkildə etiraz etdi. Bununla bağlı onunla söhbət edəcəksiz?
- Elə də ciddi etiraz etmədi. Hamı oynamaq istəyir. Sadəcə, o, yorulmuşdu, buna görə onu əvəz etdim.
Milli.Az
Digər maraqlı xəbərlər Milli.Az-ın Facebook səhifəsində
