“Əlbəttə ki, uduzmaq istəmirdik. “Qarabağ” bu oyunadək bizi məğlub etməmişdi”. Bu sözləri Fanat.Az-a açıqlamasında “İnter”in futbolçusu Mirhüseyn Seyidov deyib.
Ağdam təmsilçisinə 0:3 hesabıyla uduzan “ağ-göylər”in yarımmüdafiəçisi darmadağını psixoloji durumla əlaqələndirib: “Rəqib qalib gələcəyi halda, çempionluğu rəsmiləşdirəcəkdi. Oyuna ikiqat motivasiya ilə çıxmışdılar. “İnter”də isə psixoloji durum qaydasında deyil. Bir yandan klubun gələcəyiylə bağlı qeyri-müəyyənlik, digər tərəfdən də maaşların verilməməsi... Belə şeylər istər-istəməz oyuna təsir edir”.
Seyidov ardıcıl 4-cü çempionluğu rəsmiləşdirən ağdamlıları təbrik etməyi də unutmayıb: “Şübhəsiz, layiqli qələbəydi. “Qarabağ”ı çempion olması münasibətiylə təbrik edirəm. Çempionluğa layiqiydilər. Allah qoysa, ölkəmizi Çempionlar Liqasında layiqincə təmsil edərlər. Çempionatda rəqibimizdisə, avrokuboklarda Azərbaycanın adını yüksəklərə qaldırmaq istəyən, güclü komandadı”.
Fanat.Az