"Qranada"nın yeni baş məşqçisi Toni Adamsın debütü uğursuz alınıb. Bir müddət "Qəbələ"də də çalışan ingilis mütəxəsisin komandası "Selta"ya 0:3 hesabıyla uduzub.
Milli.Az goal.az-a istinadən xəbər verir ki, matçdan sonra Adams bunları deyib:
"İspaniya liqası çox çətindir. Fikrimcə, La Liqa dünyanın ən yaxşı çempionatıdır. Amma bunu ingilislərə deməyin. Qarşıdakı 5 həftədə komandanın pisxoloji durumunu düzəltmək asan olmayacaq. Amma bir neçə variantım var. Hazırda klubda hamının əhval-ruhiyyəsi aşağıdır. Onları ağ bayraq qaldırmaq fikrindən döndərməliyəm".
Milli.Az
Digər maraqlı xəbərlər Milli.Az-ın Facebook səhifəsində