Cənubi Azərbaycanda 2015-2016-cı illərdə ölüm cəzasına
məhkum edilən soydaşlarımızın sayı açıqlanıb.
Publika.az xəbər verir ki, “Association for the Human
Rights of the Azerbaijani people in İran” (AHRAZ) təşkilatı “Report
of the deathz penalty in Azerbaijans cities in İran (2015-2016)”
adlı hesabatını açıqlayıb.
Hesabatda bildirilir ki, 2015-ci ilin oktyabr ayından 2016-cı ilin
oktyabr ayına kimi İranda 588 insan ölüm cəzasına məhkum edilib.
Onlardan 504-ü edam edilib. Edam edilənlərdən 187 nəfəri
azərbaycanlılardır.
Edam edilənlər Qərbi Azərbaycan (10 faiz), Şərqi Azərbaycan (8
faiz), Ərdəbil (7 faiz), Zəncan (4 faiz), Qəzvin (6 faiz) və
Həmadandandırlar (2 faiz).
57 faiz insan narkotik cinayətlərinə, 26 faiz ailə daxili münaqişə
zəminində törətdiyi qətlə, 7 faiz siyasi fikirlərinə, 4 faiz isə
başqa hadisələrə görə edam olunub.
Edamların ümumi sayının 39 faizi rəsmi şəkildə qeyd olunub. 61 faiz
edamı isə müstəqil media və QHT-lər qeydə alıblar.
2017-ci ilin yanvar-mart ayları ərzində isə Təbriz, Urmiya,
Ərdəbil, Zəncan, Qəzvin, Marağa və Lalə kimi azərbaycanlıların
yaşadığı şəhərlərdə 34 insan asılıb.
Asif