Gözlənilmədən Cənubi Koreyaya səfər edən ABŞ-ın vitse-prezidenti Mayk Pens Pxenyanın ünvanına hədə dolu ifadələr səsləndirib.
Metbuat.az-ın məlumatına görə, Şimali Koreya ilə sərhəddə yerləşən neytral bölgəyə yollanan Pens bildirib ki, Vaşinqton Pxenyanın kütləvi qırğın silah proqramına qarşı qəti addımlar atmaq niyyətindədir :
" Strateji səbrimiz artıq tükənib. Bütün seçimlər masadadır".
Amerikalı qonaq bəyan edib ki, Şimali Koreya yolundan geri dönməli, ballistik raketlərin sınaqlarına son verməlidir.
Bu arada, Vaşinqtonun bölgəyə 3-cü hərbi göndərməyə hazırlaşması barədə xəbərlər yayılıb. Ötən həftə yolan düşən ilk gəmi isə sabah Koreya yarımadasına çatacaq.
Sübhan / METBUAT.az