Şimali Koreyanın BMT-dəki daimi nümayəndəsinin müavini Kim İn Ron ölkəsinin ABŞ-ın hərbi planlarına cavab verməyə qadir olduğunu bildirib.
Metbuat.az-ın məlumatına görə, Kim İn Ron ABŞ-ı potensial nüvə müharibəsinin əsas səbəbkarı qismində göstərib:
"ABŞ nüvə müharibəsinə gətirib çıxara biləcək dərəcədə təhlükəli vəziyyət yaradıb. Bu, dünya üçün ciddi təhlükədir.
KXDR ABŞ-ın istənilən hərbi planına cavab verməyə hazırdır. Həmçinin qeyd etmək istəyirəm ki, biz lazım hesab etdiyimiz nüvə sınaqlarını davam etdirəcəyik".