Türkiyə futbolunda növbəti ilginc hadisə baş verib. Fanat.Az xəbər verir ki, futbolçulara hirslənən klub rəsmisi meydana çıxaraq 3 qol vurub.
Hadisə Türkiyənin Regional Həvəskarlar Liqasının oyununda baş verib. "Kuşadası Gənclikspor" mövsümün son matçında "Germencikspor"u qəbul edib. İlk yarısı qolsuz başa çatan matçın 55-ci dəqiqəsində komandasının bərbad futbol sərgiləməsinə hirslənən "Kuşadası Gənclikspor"un rəsmsi və Baş Kapitanı Yaser Doğan baş məşqçidən onu meydana buraxmasını istəyib.
58-ci dəqiqədə qonaqlar hesabı açıb. 62-ci dəqiqədə meydana çıxan Yaser Doğan 35 dəqiqədə 3 qol vuraraq komandasına 3:1 hesablı qələbə qazandırıb. Bununla da o, komandasını "pley-off" mərhələsinə çıxardıb.
Fanat.Az