"Real"ın futbolçusu Kriştiano Ronaldo Çempionlar Liqasında yeni rekorda imza atıb.
Portuqaliyalı hücumçu Avropanın ən nüfuzlu klub turnirində 100 qol həddini keçən ilk futbolçu kimi tarixə düşüb.
O, Almaniya "Bavariya"sı ilə 1/4 final mərhələsinin cavab görüşündə "het-trik" edərək, aktivindəki qolları 101-ə çatdırıb. Amma Ronaldo 100-cü topunu ofsayddan vurub. Təcrübəli forvard 105-ci dəqiqədə fərqlənərkən, macarıstanlı Viktor Kaşşayın başçılıq etdiyi hakimlər briqadası onun oyundankənar vəziyyətdə olduğunu görməyib.
Qeyd edək ki, Kriştiano Ronaldo Çempionlar Liqasındakı qollarından 18-ni İngiltərənin "Mançester Yunayted" klubunda, qalanlarını isə "Real"da vurub. (Report)
