UNEC-in əcnəbi tələbələri “Güllələnmiş heykəllər” abidəsi qarşısında

UNEC-in əcnəbi tələbələri “Güllələnmiş heykəllər” abidəsi qarşısında
10:19 19 Aprel 2017
112 Digər
Ölkə mətbuatı
A- A+

UNEC-in əcnəbi tələbələri “Beynəlxalq Abidələr və Tarixi Yerlər Günü” münasibəti ilə Milli İncəsənət Muzeyinin bağındakı “Güllələnmiş heykəllər” abidəsini ziyarət ediblər. Lent.az-ın məlumatına görə, “Gəz, Gör, Tanı, Paylaş” devizi altında reallaşdırılan səfər UNEC-in Marketinq və Kommunikasiya Departamentində təcrübə keçən Rus İqtisadiyyat Məktəbində marketinq ixtisası üzrə təhsil alan IV kurs tələbələrinin təşəbbüsü ilə həyata keçirilib.

 

Təcrübəçi tələbələr əcnəbilərə burada nümayiş olunan Üzeyir Hacıbəylinin, Bülbülün və Xurşidbanu Natəvanın güllələnmiş heykəlləri barədə ətraflı məlumat veriblər. Bildiriblər ki, Heydər Əliyevin şəxsən işə müdaxiləsindən sonra bu heykəllər işğalçılardan geri alınaraq, paytaxta gətirilib. Milli İncəsənət Muzeyində bərpa işlərindən sonra isə heykəllərin muzeyin bağında nümayiş etdirilməsi qərara alınıb. UNEC tələbələri xüsusi olaraq vurğulayıblar ki, ermənilər Azərbaycanın işğal edilən 20 faiz torpaqlarında yüzlərlə tarixi abidələri məhv edirlər.

 

Əcnəbi tələbələr heykəllərin fotoşəkilini çəkərək, sosial şəbəkələrdə #ShotMonuments #Kharabagh haştəqi ilə paylaşıblar. Onlar şəkillərə öz təəssüratlarını da əlavə ediblər. Əcnəbi tələbələr mədəniyyət abidələrinin erməni vəhşiliyinə məruz qalmasını xüsusi olaraq pisləyiblər.

 

Səfər çərçivəsində əcnəbi tələbələrə həmçinin bu görkəmli incəsənət xadimlərinin həyat və yaradıcılıqları barədə də məlumat verilib.


Xəbərin orijinal ünvanı: http://news.lent.az/news/272523

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR