“ABŞ adi və nüvə silahlarının tətbiqi ilə istənilən zərbənin qarşısını almağa hazırdır”.
Publika.az “RİA-Novosti” agentliyinə istinadən xəbər verir ki, bunu Yaponiyada səfərdə olan ABŞ-ın vitse-prezidenti Maykl Pens bildirib.
ABŞ-ın vitse-prezidentinin sözləri Koreya yarımadasında gərginliyin artması fonunda diqqət çəkir. Ekspertlər hesab edirlər ki, gərginlik aprelin 25-də pik həddə çata bilər. Həmin tarixdə Koreya xalq ordusunun yaradılmasının ildönümü qeyd ediləcək. Aprelin 25-də Pxenyanın altıncı nüvə sınağını keçirməsi gözlənilir.
Bəyanat Şimali Koreya ilə yanaşı, Rusiyaya da verilmiş cavab hesab oluna bilər. Belə ki, bu günlərdə Rusiyanın baş nazirinin müavini Dmitri Roqozin yaxın vaxtlarda Rusiyanın yeni raketlər istehsal edəcəyini bildirib.
“Bu raketlərlə ABŞ-ın müdafiə sistemini dəlik-deşik edərik”, - Rusiyanın silah sənayesinin kuratoru Vaşinqtonu təhdid edib.
Ömər
