Bu gecə Çempionlar Liqasının 1/4 final mərhələsinin cavab oyunu çərçivəsində "Barselona"nın qonağı olacaq "Yuventus" İspaniyaya yollanıb.
Fanat.Az xəbər verir ki, Turin klubunun formasını geyinən braziliyalı Dani Alveş "Nou Kamp" stadionunda etdiyi hərəkətlə hər kəsi duyğulandırıb.
33 yaşlı futbolçu illərlə formasını geyindiyi "Barselona"nın stadionuna daxil olarkən yerə uzanaraq qazonu öpüb. Onun bu hərəkəti izləyənlərin gözlərini yaşardıb.
Qeyd edək ki, Dani Alveş 2008-2016-cı illərdə "Barselona"da çıxış edib. Bu müddətdə o, 6 dəfə İspaniya çempionluğunu, 4 dəfə "Kral Kuboku"nu, 4 dəfə ölkə Super Kubokunu, 3 dəfə Çempionlar Liqasını, 3 dəfə UEFA Super Kubokunu və 3 dəfə klublararası dünya çempionluğunu qazanıb.
Fanat.Az
