Lider TV-də yayımlanan "Amil Xəlil ilə Bura Vətəndir!"
verilişində maraqlı anlar yaşanıb.
Aparıcı Ucardan hazırladığı verilişdə xalq artisti, mərhum sənətkar
Xuraman Hacıyevanı yad edib.
Verilişdə aktrisaya qarşı olan münasibətdən söhbət açılıb. Əslən
Ucarın Müsüslü kəndindən olan Cəmil Xəlilov Hacıyevanın 70 illik
yubileyinin unudulduğunu qeyd edib. Araşdırmaçı jurnalist Amil
Xəlil ilə onun bəzi "dostları" haqqında da fikirlər səsləndirib
"Bir zamanlar yanında olan səhnə yoldaşları. Onun 70 illiyini niyə
unutdular ?"
Xatırladaq ki, "Arşın mal alan" bədii filmində Asya rolunu
canlandıran X.Hacıyeva 1945-ci il martın 7-də Bakıda anadan olub.
Teatrdakı fəaliyyətinə görə Azərbaycan Respublikasının Əməkdar
artisti (9 fevral 1979) və Xalq artisti (28 oktyabr 2000) fəxri
adlarına layiq görülüb.
O, 2005-ci il fevralın 15-də 59 yaşında Bakıda qəflətən vəfat
edib.
Publika.az verilişə informasiya dəstəyi verir.