Martın 9-da Rusiyada naməlum şəxslər tərəfindən döyülən jurnalist ölüb.
Publika.az “RİA Novosti”yə istinadən xəbər verir ki, “Novıy Peterburq” qəzetinin müxbiri Nikolay Andruşenko müalicə aldığı xəstəxanada vəfat edib.
Başından zədə alan N. Anduşenko komadan ayılmayıb.
N. Andruşenko ötən əsrin 90-cı illərində Sankt-Peterburqun şəhər Şurasının deputatı olub. “Novıy Peterburq” qəzetinin həmtəsisçisi olan N. Anduşenko 2008-ci ildə ekstremizmə çağırış və hökumət nümayəndələrini təhqir etməkdə ittiham olunub. Lakin sonra cinayət işi bağlanıb.
