"Bakı-2017" IV İslam Həmrəyliyi Oyunlarının kişilər arasında basketbol 3x3 yarışının təqvimi açıqlanıb.
Milli.Az AZƏRTAC-a istinadən bildirir ki, mayın 18-də start götürəcək yarış dörd gün davam edəcək. "A" qrupunda yer alan Azərbaycan millisi ilk görüşdə Türkiyə millisi ilə qarşılaşacaq. Komandamız həmin gün Türkmənistan ilə də qüvvəsini sınayacaq. Mayın 19-da isə millimizin rəqibi Səudiyyə Ərəbistanı və Pakistan olacaq.
"B" qrupunda isə İndoneziya, Qətər, "Kot-d`İvuar, Mali, İordaniya yığma komandaları mübarizə aparacaqlar.
Mayın 20-də dörddəbir final qarşılaşmaları keçiriləcək. Bir gün sonra isə mükafatçılar məlum olacaq.
Milli.Az
Digər maraqlı xəbərlər Milli.Az-ın Facebook səhifəsində