Bu gün Çempionlar Liqasında yarımfinal mərhələsinin püşkü atılacaq. Fanat.Az xəbər verir ki, İsveçrənin Nyon şəhərində baş tutacaq mərasim Bakı vaxtı ilə saat 14.00-da start götürəcək.
Püşkatmada qitənin ən nüfuzlu klub turnirinin son 4 komandası rəqiblərini tanıyacaq. Bu mərhələyə İspaniyanın "Real", "Atletiko", İtaliyanın "Yuventus" və Fransanın "Monako" klubları vəsiqə qazanıb.
Püşk açıq şəkildə keçiriləcək və bütün komandalar bir-birilərinə rəqib ola bilərlər.
Qeyd edək ki, yarımfinal ilk matçları 2-3 may, cavab qarşılaşmaları isə 9-10 may tarixlərində oynanılacaq. Turnirin final görşü isə iyunun 3-də Uelsin paytaxtı Kardiffdə keçiriləcək.
Fanat.Az
