"Qəbələ"nin U-16 komandası Gürcüstanın paytaxtı Tiflisdə keçirilən Vitali Dareseliya turnirində mübarizəyə start verib. Fanat.A xəbər verir ki, aprelin 20-25-də keçiriləcək yarışın ilk oyunu geridə qalıb.
“Qəbələ” A qrupunda İtaliya “İnter”i ilə gücünü sınayıb. Matç italyanların 2:1 hesablı qələbəsi ilə yekunlaşıb. "Qəbələ"nin qolunu Məhəmməd Məhərrəmov vurub.
Şəhruz Mustafayevin komandası ikinci oyunda meydan sahibi Tiflis "Dinamo"su ilə qarşılaşacaq. Matç bu gün, saat 16.00-da keçiriləcək. "Qəbələ" qrupdakı digər rəqibi Belçika "Gent"i olacaq. Matç sabah - aprelin 22-də keçiriləcək.
Fanat.Az