Azərbaycan Dövlət Musiqili Teatrında həftəsonu 3 gün ərzində 6 tamaşa nümayiş olunacaq.
Dövlət Musiqili Teatrının mətbuat katibi Samir Sədaqətoğlu Metbuat.az-a açıqlamasında tamaşalar haqda məlumat verib:
“21, 22, 23 aprel tarixlərində saat 12.00 və 19.00-da “Kimdir müqəssir?” (Ə. Haqverdiyev), “Meşə çaqqalsız olmaz” (Ə. Səmədli), “999-cu gecə” (F. Əmirovun musiqiləri və “Min bir gecə” nağıllarının motivləri əsasında), “Dəcəl çəpişlər” (O. Zülfüqarov, R. Heydər) və “Amerikalı kürəkən” (R. Mirişli, M. Haqverdiyev) tamaşaları təqdim ediləcək. Tamaşaçılar nümayiş olunacaq səhnə əsərlərində sevimli aktyorları – Azərbaycan Respublikasının Xalq artistləri İlham Namiq Kamal, Fatma Mahmudova, Əməkdar artistlər Ələkbər Əliyev, Almaz Ələsgərli, Əkbər Əlizadə, aktyorlar Ağaxan Şərifov, Rəsmiyyə Nurməmmədova, Məhərrəm Qurbanov, Gülnarə Abdullayeva, Əliməmməd Novruzov, Gültac Əlili, Səməd Xasıyev, Elnarə Nağdəliyeva, Hüseyn Əlili, Mehriban Zalıyeva, Nicat Əli, Ruslan Mürsəlov, Eleanora Mehdiyeva, Şaban Cəfərov, Gülnarə Əzizova, Elməddin Dadaşov, Zarina Qurbanova, Fərid Rzayev, Güldanə Əzimova, Əmrah Dadaşov, Nigar Qarayeva, Fəridə Məlikova, Cəlalə Novruzlu və başqalarının ifalarını izləyə biləcəklər” deyə bildirib.
Qeyd edək ki, Musiqili Teatr bu həftə də balaca tamaşaçılarını da unutmayıb. Belə ki, 21 və 22 aprel tarixlərində saat 12.00-da Ə. Səmədlinin “Meşə çaqqalsız olmaz”, 23 aprel tarixində saat 12.00-da isə O. Zülfüqarov, R. Heydərin “Dəcəl çəpişlər” nağıl-tamaşası uşaqlar üçün nümayiş olunacaq.
Aytən Novruzova / Metbuat.az
