"Barselona" Neymarın İspaniya Primerasının 31-ci turunda "Malaga" ilə oyunda (0:2) aldığı qırmızı vərəqə ilə bağlı İspaniya İdman Tribunalına müraciət etmək istəyir.
Milli.Az goal.az-a istinadən xəbər verir ki, katalonlar braziliyalı hücumçunun diskvalifikasiyasını 3 oyundan azaltmaq istəyirlər. Neymar artıq "Real Socyedad"la oyunu buraxıb. O, "El Clasico" və "Osasuna" ilə qarşılaşmada da komandasına kömək etməyə bilər. Bundan öncə İspaniya Futbol Federasiyasının appelyasiya komitəsinə müraciət edən "Barselona" istəyinə mənfi cavab almışdı.
Milli.Az