Türkiyə millisinin və Dortmund "Borussiya"nın üzvü Nuri Şahin zədələnib. Fanat.Az xəbər verir ki, türk futbolçu ötən gün Münhenqladbax "Borussiya"sını 3:2 hesabı ilə yendikləri matçda zədə alıb.
Bu barədə baş məşqçi Tomas Tuçel məlumat verib. Çalışdırıcı bildirib ki, Nuri ayağından zədə alıb: "Nuri Şahinin ayaq biləyindəki bağlarda yırtıq şübhəsi var. Böyük ehtimalla sınıq ola bilər".
Ehtimallar doğrulsa, futbolçu uzun müddət yaşıl meydanlardan kənarda qala bilər. Bu isə onun ən azı Bundesliqanın son 4 turunda və Almaniya Kubokunun "Bavariya" ilə final matçında, həmçinin Türkiyənin gələn ay Kosova ilə keçirəcəyi seçmə mərhələ oyununda meydana çıxa bilməyəcəyi deməkdi.
Fanat.Az
