Qırğızıstanın Cəlilabad vilayətində torpaq sürüşməsi baş verib.
Publika.az APA-ya istinadən xəbər verir ki, hadisə nəticəsində 2 nəfər ölüb, daha 2-sı ağır xəsarət alıb.
Məlumata əsasən, ölən və yaralananlar Bazar-Korqon rayonunda su kəmərinin təmiri ilə məşğul olan fəhlələr olub. Onlardan biri hadisə yerində, digəri isə xəstəxanaya aparılarkən yolda dünyasını dəyişib. Xilasedicilər tərəfindən torpaq altından çıxarılan daha 2 nəfər xəstəxanaya yerləşdirilib. Onların vəziyyəti ağır kimi qiymətləndirilir.