“Barselona” argentinalı futbolçusu Lionel Messi "El-Klasiko"da dubl edərək, həm də komandasının heyətində 500-cü qolunu vurub.
Publika.az xəbər verir ki, Madriddə keçirilən qarşılaşmada “Barselona” rəqibini 3:2 hesabı ilə məğlub edib. Messi oyunda “dubla” imza ataraq klub karyerasında vurulan qolların sayını 500-ə çatdırıb.
Qeyd edək ki, Lionel Messi “Barselona”nın heyətində 8 qat İspaniya çempionu, 4 qat İspaniya Kubokunun və 4 qat Çempionlar Liqasının qalibi olub. O, karyerası ərzində həmçinin 5 dəfə “Qızıl top” mükafatına layiq görülüb.