“Lider TV”-nin “Dostlar, bizi unutmayın” verilişinin növbəti buraxılışı yayımlanıb. Lent.az-ın məlumatına görə, tanınmış müğənni Nazəninin təqdimatında yayımlanan verilişin bu həftəki qonağı müğənni Qədir Qızılsəs olub. İfaçı verilişdə bir çox məqamlara toxunub. O, qardaşının faciəvi ölümündən söz açıb: “Həyatda itkilərim çox olub. İki cavan qardaşım dünyasını dəyişib. Biri faciəvi şəkildə öldü. 33 yaşı var idi. Elə bacım da cavan yaşında rəhmətə getdi. Bir sözlə, 2 bacı, 2 qardaş itirmişəm. Elə atamın özü də cavan yaşında dünyasını dəyişdi. Bu, həyatdır, allahın yazısıdır”.
Verilişin tam hissəsinə aşağıdakı video-linkdə baxa bilərsiniz.
Qeyd edək ki, “Dostlar, bizi unutmayın” verilişi həftənin bazar günləri saat 21:00-da “Lider TV”-də yayımlanır. Verilişin informasiya dəstəyi Lent.az-dır.
