Səyyar ASAN xidmət Maştağa və Beyləqanda

Səyyar ASAN xidmət Maştağa və Beyləqanda
13:43 24 Aprel 2017
Ölkə mətbuatı
A- A+

Aprelin 24-dən mayın 3-dək Səyyar ASAN xidmət Sabunçu rayonunun Maştağa qəsəbəsində, aprelin 26-dan mayın 15-dək isə Beyləqan şəhərində vətəndaşlara səyyar formada xidmət göstərəcək.

“ASAN xidmət”dən Publika.az-a verilən məlumata görə, həmçinin, səyyar avtobuslar 28 mart – 26 aprel Tovuz, Qax, Astara, Yevlax şəhərlərində, 29 mart - 26 aprel Salyan şəhərində, 15 – 29 aprel Abşeron rayonunun Novxanı qəsəbəsində, 17 aprel – 16 may Siyəzən şəhərində, səyyar ASAN qatar isə 14 – 28 aprel Şəmkir rayonunun Dəllər qəsəbəsində vətəndaşların xidmətində olacaq.

Səyyar şəkildə göstərilən xidmətlər Azərbaycan Respublikasının Ədliyyə Nazirliyi, Daxili İşlər Nazirliyi, Əmək və Əhalinin Sosial Müdafiəsi Nazirliyi və Əmlak Məsələləri Dövlət Komitəsi tərəfindən təqdim olunur.

Bu xidmətlərə notariat, vətəndaşlıq vəziyyəti aktlarının dövlət qeydiyyatı,şəxsiyyət vəsiqələrinin verilməsi və dəyişdirilməsi, ümumvətəndaş pasportlarının verilməsi və dəyişdirilməsi, sürücülük vəsiqələrinin dəyişdirilməsi, əmək pensiyalarının təyin edilməsi, mənzillər üzərində mülkiyyət hüquqlarının ilkin və təkrar dövlət qeydiyyatına alınması barədə çıxarışların, texniki pasportların verilməsi,daşınmaz əmlakın təsvirinə, dövlət qeydiyyatına alınmış hüquqlara və onların məhdudlaşdırılmasına (yüklülüyünə) dair dövlət reyestrindən arayışların verilməsi, fərdi yaşayış evləri üzərində mülkiyyət hüquqlarının təkrar dövlət qeydiyyatına alınması barədə çıxarışların, texniki pasportların verilməsi daxildir.

Səyyar ASAN xidmətin həyata keçirilməsinin əsas məqsədləri dövlət xidmətlərinin vətəndaşlara daha rahat, yeni və innovativ üsullarla təqdim edilməsi, vətəndaşlar üçün əlçatanlığın təmin edilməsi və vətəndaş məmnunluğuna nail olunmasıdır.


Xəbərin orijinal ünvanı: http://publika.az/news/ikt/196253.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR