Ağızdan qəbul olunan hamiləlik əleyhinə kontraseptivlər orqanizm üçün zərərlidir.
Publika.az xarici mətbuata istinadən xəbər verir ki, amerikalı mütəxəssislər belə qənaətə gəliblər.
Halbuki bu günə qədər dozasında qəbul olunan hamiləlik əleyhinə həblərin heç bir təhlükə daşımadığını israrla qeyd edirdilər. Lakin son araşdırmalar bunun əksini göstərir. Mütəxəssislər deyirlər ki, belə həblər xüsusən də əsəb sisteminə pis təsir edir. Bundan başqa qan-damar sistemi kontraseptiv həblərdən ziyan çəkir. Üstəlik bəzi həblər mütəmadi istifadə olunduğu üçün ziyanı qaçılmazdır. Statistik məlumatlara görə, bu həblərdən istifadə edən qadınların 80%-i səhhətində pisləşmə müşahidə ediblər.
Həkimlər tövsiyə edir ki, oral kontraseptivlərə üstünlük verən qadınlar hər hansı yan təsirlərə məruz qaldıqda dərhal onun istifadəsini dayandırmalı və ginekoloqa müraciət etməlidir.
Şəfiqə ŞƏFA
