“İndiki uşaqlar elə bil telefonla doğulub”, bu fikri eşitməyən tapılmaz. Təkcə ölkəmizdə deyil, sivil ölkələrin bütün yetkin insanları yeni nəslin telefon asılılığını qınaq edir. Bəs yaşlı nəsil özü necə? Az qala, ev telefonlarının kəşf edilməsinə şahid olan bu nəsil indi smartfonlardan daha aktiv istifadə edirlər. Bəziləri isə ondan asılı hala gəliblər.
Publika.az xəbər verir ki, Çju soyadlı bir xəstə o qədər smartfon aludəçisi imiş ki, ağır əməliyyatda ikən telefonu əlindən verməyib. Hətta ayaqlarında əməliyyat aparan həkimlərin şəklini çəkərək internetə yerləşdirirmiş.
Həkimlər deyir ki, xəstəyə belə məqamda telefon verilməsi qadağandır. Amma 70 yaşlı Cjuya ona görə istisna edilib ki, əməliyyatdan qabaq telefonsuz təlaşa düşübmüş. Həkimlər heç cür onu sakitləşdirə bilmədikləri üçün məcbur qalıb “oyuncağ”ını özünə qaytarıblar.
Şəfiqə ŞƏFA
