Milli.Az saglamolun.az-a istinadən bildirir ki, Boston Universiteti alimləri aşkar ediblər ki, qazlı şirin içkilərin və meyvə şirələrinin müntəzəm istehlakı yaddaşın zəiflənməsinə və beyinin həcminin azalmasına gətirib çıxarda bilər.
Deccan Chronicle xəbər verir ki, alimlər həmçinin müəyyən ediblər ki, diyetik qazlı içkilərin gündəlik istehlakı insult və demensiyanın (ağıl zəifliyi) riskini 3 dəfə (!) artırır.
Tədqiqatçılar 30 yaşdan yuxarı olan 4000 insanın sağlamlıq, qidalanma, risk faktorları və s. ilə bağlı məlumatlarını təhlil edib. Alimlər araşdırmanın iştirakçılarına 10 il ərzində nəzarət ediblər. Müəyyən fasilələrlə iştirakçılar MRT və xüsusi testlərdən keçirdilər.
Araşdırma konkret olaraq göstərib ki, şirin qazlı sular və meyvə şirələrinin müntəzəm qəbulu beyinin sağlamlığına və fəaliyyətinə mənfi təsir edir, insult və demensiyanın riskini artırır.
Milli.Az
