"Çelsi"nin yarımmüdafiəçisi Sesk Fabreqas komanda yoldaşı Eden Hazar haqqında fikir bildirib. Milli.Az goal.az-a istinadən xəbər verir ki, ispaniyalı havbek onu daha "xəsis" olmağa çağırıb.
"Hazar müdrik və bacarıqlı futbolçudur. Ondan daha yaxşısı yalnız Messidir. Hazara dəfələrlə demişəm ki, hərdən eqoist olmalıdır. Belə olsa, daha çox qol vuracaq. Bəzən qapıçı ilə təkbətək çıxanda boş qapıya zərbə endirə biləcək komanda yoldaşına ötürmə verir. Ona deyirəm ki, özün vur. Eden bunu etsə, daha məhsuldar oyun göstərəcək".
Milli.Az