Bakı. 25 aprel. REPORT.AZ/ İraqın Mosul əyalətində Əski Şehir şəhərinin El-Jada stadionu yaxınlığında terrorçu İŞİD qruplaşmasının başçılarından biri tutulub.
“Report” "Haber7"yə istinadən xəbər verir ki, o, İraq polisi tərəfindən saxlanılıb.
Məlumata görə, həmin dəstə başçısının fotosu yayılıb.
ABŞ-ın baçılıq etdiyi İraqdakı beynəlxalq koalisiya qüvvələrinin sözçüsü Con Dorrian deyib ki, İŞİD-in lideri Əbu Bəkir Bağdadinin yeri isə bilinmir: “Onun İraqda Mosuldan başqa qaçacaq yeri qalmayıb”.