Bakı. 26 aprel. REPORT.AZ/ Azərbaycan Dövlət Neft Şirkətinin (SOCAR) iştirak etdiyi Kot d'İvuarda LNG (mayeləşdirilmiş təbii qaz) idxalı məqsədilə terminalın tikintisinə bu ilin sonunda başlanacaq.
"Report" xəbər verir ki, bunu Bakıda keçirilən II SOCAR Beynəlxalq "Xəzər və Mərkəzi Asiya: Ticarət, Logistika, Neft-
"Maltadan sonra 2016-ci ildə biz Kot d'İvuarda LNG ilə elektrik enerjisi istehsal etməyi nəzərdə tutan ikinci layihəyə daxil olduq. Bu layihə üzrə işlər davam edir və tikinti işlərinə bu ilin sonunda başlanması gözlənilir", - deyə departament başçısı qeyd edib.
Onun sözlərinə görə, 2019-cu ilin ortalarında təchizatın başlaması gözlənilir.
Qeyd edək ki, SOCAR ötən ilin noyabr ayında mayeləşdirilmiş təbii qazın idxalı məqsədilə terminal tikintisi üçün Fransanın "Total" neft-qaz şirkəti və Kot d`İvuar Dövlət Neft Şirkəti tərəfindən yaradılmış yeni konsorsiumda 26% pay əldə edib. Yeni "Coted'Ivoire-GNL" şirkətində "Total" 34%, SOCAR 26%, Kot d`İvuar Dövlət Neft Şirkəti ("Petroci") 16% paya malikdir. "Royal Dutch Shell" şirkəti də səhmlərin kiçik hissəsinə sahib çıxıb.