Aprelin 27-də Moskvada keçirilməsi gözlənilən
Azərbaycan, Rusiya və Ermənmistanın xarici işlər nazirlərinin
görüşü olmayacaq.
Publika.az xəbər verir ki, bununla bağlı Ermənistanın
“Qraparak” qəzeti yazıb.
Qəzetin diplomatik mənbələrdən əldə etdiyi məlumata görə,
Ermənistan tərəfi görüşdən imtina edib.
“Moskvada Nalbandyan, Məmmədyarov və Lavrovun görüşü olmayacaq. Bu
haqda rəsmi açıqlama verilməyib”, - deyə diplomatik mənbə qeyd
edib.
Qəzet Ermənistan tərəfinin üçtərəfli formatda görüşdən bir neçə
dəfə imtina etdiyini xatırladıb.
İki gün sonra Qarabağ üçün nələr olacaq? - Diplomatik mənbə “RUS PLANI”NI AÇDI
Qeyd edək ki, Ermənistanın “lragir” saytı dünən diplomatik
mənbələrə istinadən yazmışdı ki, İrəvan rusların təzyiqini bildiyi
üçün üçtərəfli formatda görüşdən imtina edirdi.
“Lakin sona qədər dirənmək mümkün olmadı və mübarizə artıq görüşdə
davam etdiriləcək”, - deyə İrəvandakı diplomatik mənbə
bildirib.
Sayt yazırdı ki, Minsk qrupu olmadan keçirilən üçtərəfli format
Rusiyaya Ermənistanı münaqişənin həllinə məcbur etmək imkanı
yaradır.
“Üçtərəfli format – bu Azərbaycanın diplomatik qələbəsidir”, - deyə
erməni saytı qeyd edirdi.
