Azərbaycanda bu da oldu: Gənc qız meymunla evləndi

Azərbaycanda bu da oldu: Gənc qız meymunla evləndi
17:47 26 Aprel 2017
127 Ölkə
Ölkə mətbuatı
A- A+

Goranboy rayonunda fəaliyyət göstərən iş adamı, bir neçə şirkətin sahibi, "Galib Group" MMC-nin rəhbəri Qalib Mustafayevin Doberman cinsindən olan itlərinin şərəfinə qurduğu toy məclisi geniş müzakirə mövzusu olaraq qalır.
 
Bu hadisə ətrafında müzakirələr davam edərkən, məlum olub ki, Goranboyda heyvanlara "toy" çaldırmaq ənənəsi çoxdan mövcuddur.
 
Milli.Az xəbər verir ki, bu haqda modern.az-a hazırda Goranboyda yaşayan Azərbaycanın Milli Qəhrəmanı Maşallah Əhmədov bildirib. O, deyib ki, həmin xoşagəlməz hadisəni gerşəkləşdirən adam da vaxtilə Milli Qəhrəman olub: "İllər əvvəl Rasim Əkbərov meymunla gənc qızı evləndirmişdi. O hadisənin kasetləri əllərdə gəzirdi. Goranboyda onu çox qınadılar. O vaxt dövlətə qarşı çıxışlar etmişdi, keçmiş Milli Təhlükəsizlik Nazirliyi tərəfindən həbs edilmişdi".
 
M.Əhmədov deyib ki, R.Əkbərov 7 il həbs yatandan sonra çıxıb, hazırda rayonda yaşayır.
 
Xatırladaq ki, Goranboy rayonundakı "N" saylı hərbi hissənin sabiq komandiri R.Əkbərova Azərbaycan Respublikasının suverenliyinin və ərazi bütövlüyünün qorunmasında, dinc əhalinin təhlükəsizliyinin təmin edilməsində göstərdiyi şəxsi igidlik və şücaətə görə eks-prezident Əbülfəz Elçibəyin 23 iyun 1992-ci il tarixli 6 saylı fərmanı ilə Azərbaycanın Milli Qəhrəmanı fəxri adı verilib. Lakin R. Əkbərov 2000-ci il fevralın 8-də dövlət çevrilişinə cəhd maddəsi ilə təqsirli bilinərək, 15 illik həbs cəzası alıb. O, həbs ediləndən sonra Azərbaycanın mərhum prezidenti Heydər Əliyevin 18 iyul 2001-ci il tarixli 537 saylı fərmanı ilə "Azərbaycanın Milli Qəhrəmanı" adından məhrum edilib. R.Əkbərov Prezident İlham Əliyevin 26 avqust 2008-ci il tarixində imzaladığı əfv fərmanı ilə azadlığa buraxılıb.

Milli.Az

Digər maraqlı xəbərlər Milli.Az-ın Facebook səhifəsində


Xəbərin orijinal ünvanı: http://news.milli.az/country/539022.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR