"Səbail" klubunda transferlərə dair qərar Müşahidə Şurasının iclasında veriləcək

"Səbail" klubunda transferlərə dair qərar Müşahidə Şurasının iclasında veriləcək
18:02 26 Aprel 2017
81 İdman
Ölkə mətbuatı
A- A+

Bakı. 26 aprel. REPORT.AZ/ Azərbaycan Premyer Liqasına vəsiqə qazanmağa yaxın olan "Səbail" klubunda yeni transferlərlə bağlı məsələ Müşahidə Şurasının iclasında müzakirəyə çıxarılacaq. 
Bu barədə "Report"a klubun icraçı direktoru Yusif Həsənov məlumat verib. Y.Həsənov bildirib ki, özünün də üzvü olduğu şuranın iclası yaxın günlərdə keçiriləcək. O, hazırda I Divizionda son turun "Bakılı" ilə oyununu düşündüklərini bildirib: "Düzdür, maraqlandığımız oyunçular var. Amma hələlik heç biri ilə danışıqlara başlamamışıq. Sabah "Bakılı" ilə matçda lazımi nəticəni əldə edərək, ilk "3-lük"dəki yerimizi qoruduqdan sonra Premyer Liqa ilə bağlı müzakirələri Müşahidə Şurasının iclasında aparacağıq. Ona görə də indidən hansısa futbolçu ilə danışıqlar apardığımızı demək tezdir". 
Qeyd edək ki, "Səbail" 25 turdan sonra 54 xalla 2-ci pillədə qərarlaşıb. Artıq 58 xala malik "Turan Tovuz" I Divizionda çempionluğu təmin edib. Hərəyə 52 xala malik "Qaradağ Lökbatan" və "Ağsu" klubları 3-4-cü yerləri bölüşürlər.  Aprelin 27-də keçiriləcək XXVI turun oyunlarında "Qaradağ Lökbatan" "Turan Tovuz"un, "Ağsu" isə "Şəmkir"in qonağı olacaq. 

Xəbərin orijinal ünvanı: https://report.az/futbol/sebail-klubunda-transferlere-dair-qerar-musahide-surasinin-iclasinda-verilecek

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR