Şahmatçılar futbol oynayarsa... - FOTO

Şahmatçılar futbol oynayarsa... - FOTO
13:27 27 Aprel 2017
74 İdman
Ölkə mətbuatı
A- A+

Vüqar Həşimovun xatirəsinə həsr olunan ShamkirChess 2017 turnirinin iştirakçıları və təşkilatçılar arasında futbol turniri keçirilib.

Milli.Az bildirir ki, Şəmkir Olimpiya İdman Kompleksində təşkil olunan yarışda 4 komanda mübarizə aparıb. Şahmatçılardan ibarət kollektiv, "Synergy Group", "Media" və Şəmkir Rayon İcra Hakimiyyətinin əməkdaşlarından ibarət komandalar qalib adı uğrunda mübarizə aparıblar.

Püşkə əsasən ilk görüşdə şahmatçılar və media nümayəndələri qarşılaşıb. Matç bərabərliklə (3-3) başa çatdığından qalib penaltilərlə müəyyən edilib. Media komandası 11 metrlik zərbələrdə daha dəqiq olaraq adını finala yazdırıb. 

Digər matçda isə Synergy Group və Şəmkir RİH qarşılaşıb. Qarşılaşmanı dölvlət qulluqçuları 5-2 hesabı ilə qalib başa vurub. Final oyununda "Media" və Şəmkir RİH qarşılaşıb. Şəmkir Rayon İcra Hakimiyyətinin əməkdaşları 5-3 hesabı ilə qələbə qazanmaqla turnirin qalibi olub. Şəmkir RİH komandası çempionatın təşkilatçıları tərəfindən kubokla mükafatlandırılıb. Qalibə mükafatı Şəmkir Rayon İcra Hakimiyyəti başçısının müavini, YAP Şəmkir rayon təşkilatının sədri Fəxrəddin Vəliyev təqdim edib.

Milli.Az

Digər maraqlı xəbərlər Milli.Az-ın Facebook səhifəsində


Xəbərin orijinal ünvanı: http://news.milli.az/sport/539199.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR