“Ali məktəb tələbələri arasında informatika üzrə Ümumrespublika Olimpiadası”nın ilk mərhələsi başlayır

“Ali məktəb tələbələri arasında informatika üzrə Ümumrespublika Olimpiadası”nın ilk mərhələsi başlayır
18:35 27 Aprel 2017
Ölkə mətbuatı
A- A+

Nəqliyyat, Rabitə və Yüksək Texnologiyalar Nazirliyi, Heydər Əliyev Fondu, Təhsil Nazirliyi və AMEA-nın İnformasiya Texnologiyaları İnstitutunun birgə təşkilatçılığı ilə növbəti dəfə "Ali məktəb tələbələri arasında informatika üzrə Ümumrespublika Olimpiadası" keçiriləcək.

Ənənəvi olaraq, hər il iki mərhələdə keçirilən olimpiada 17 May - Dünya Telekommunikasiya və İnformasiya Cəmiyyəti Gününə həsr olunub.

NAR, "BestComp Group" şirkətlərinin sponsorluğu ilə bu il təşkil olunan ümumrespublika tədbiri sayca 12-cidir.

Olimpiadada iştirak etmək üçün 24 ali təhsil müəssisəsindən 52 komanda qeydiyyatdan keçib.

Olimpiadanın ilk mərhələsi 29 aprel saat 10:00-da Bakı Mühəndislik Universitetində keçiriləcək. Olimpiadaya gələn komanda üzvləri şəxsiyyət vəsiqəsi və tələbə biletlərini özləri ilə gətirməlidirlər. Hər bir ali təhsil müəssisəsinin ən yaxşı nəticə göstərən yalnız 1 komandası ikinci (final) mərhələyə vəsiqə qazanacaq.

İkinci (final) mərhələsi isə may 2017-ci il tarixində AMEA-nın İnformasiya Texnologiyaları İnstitutunda baş tutacaq.

17 may ərəfəsində Dünya Telekommunikasiya və İnformasiya Cəmiyyəti Gününə həsr olunan tədbirdə olimpiada qaliblərinin mükafatlandırılması nəzərdə tutulur.



Xəbərin orijinal ünvanı: http://ictnews.az/read-47464-news-1.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR