Ekspertləri aprelin 28-də Moskvada keçiriləcək
Azərbaycan, Rusiya və Ermənistan xarici işlər nazirlərinin
görüşünün Dağlıq Qarabağ münaqişəsinin həlli baxımından həlledici
əhəmiyyət daşıdığını bildirirlər. İsrail hava qüvvələri Dəməşqin
beynəlxalq aeroportu ərazisində yerləşən hərbi bazaları partladıb.
Türkiyənin İraq və Suriyaya təşkil etdiyi əməliyyatlara Moskva və
Vaşiqntondan etirazlar davam edir. Moskva dünyanın təhlükəsizlik
məsələləri üzrə Rusiya ilə güc diliylə danışıqlar aparmaq
cəhdlərinin perspektivsiz olduğunu bəyan edib.
Rusiya prezidentinin səlahiyyətli nümayəndəsi,
Rusiya İctimai Palatasının üzvü, politoloq Sergey Markov aprelin
28-də Moskvada keçiriləcək Azərbaycan, Rusiya və Ermənistan xarici
işlər nazirlərinin görüşünü şərh edib. Onun sözlərinə
görə, Moskva görüşü Dağlıq Qarabağ münaqişəsi üçün olduqca
əhəmiyyətlidir.
“Bu görüş Ermənistanın ya münaqişənin “Kazan düsturu”
çərçivəsində həllinə razılaşmasını, ya da danışıqlar prosesindən
tamamilə yayınmasını müəyyən edəcək”, - o deyib.
Sabah ya ərazilər qaytarılacaq, ya da müharibə...– Putinin adamı Qarabağ görüşünün DETALLARINI AÇDI
Aprelin 27-si İsrail hava qüvvələri Dəməşqin
beynəlxalq aeroportu ərazisində yerləşən hərbi bazaları partladıb.
“Röyters” agentliyinin məlumatına görə, Livanın
“Hizbullah” qruplaşmasının anbarı bombardmanların hədəfi olub.
Zərbə nəticəsində İranın “Hizbullah”a göndərdiyi silahların tam
məhv edildiyi bildirilir.
İsrail Müdafiə naziri Aviqdor Liberman isə Rusiyanın müdafiə
naziri Sergey Şoyqu ilə görüşü zamanı bildirib ki, İsrail İran və
“Hizbullah”a öz ordularını Colan yüksəkliklərində cəmləşdirməyə
imkan verməyəcək.
Ölkə parlamentində (buntestaq) çıxışında Almaniya
kansleri Angela Merkel Türkiyə və Avropa İttifaqı arasındakı
hazırkı münasibətləri şərh edib. Onun sözlərinə görə,
Avropa İttifaqı-Türkiyə əlaqələri Ankarada baş verən proseslərlə
əlaqədar zərbə alıb.
Merkel qeyd edib ki, Avropa İttifaqının aprelin 29-da keçirəcəyi
zirvə toplantısında Türkiyə ilə bağlı müzakirələrin aparılacağını
əlavə edib.
Xatırladaq ki, AŞPA-nın Strasburqda keçirilən yaz sessiyasının
aprelin 25-dəki plenar iclasında "Türkiyədə demokratik təsisatların
fəaliyyəti" adlı hesabat layihəsi qəbul edilib. Sənəd Türkiyənin
postmonitorinq prosesindən monitorinq mərhələsinə salınmasını
nəzərdə tutur. Türkiyə Xarici İşlər Nazirliyi AŞPA-nın hesabatının
terror təşkilatlarına xidmət etdiyini açıqlayıb. Türkiyə xarici
işlər naziri Mövlud Çavuşoğlu hesabatı tanımadıqlarını
bildirib.
Türkiyənin İraq və Suriyaya təşkil etdiyi
əməliyyatlar onu göstərdi ki, bu ölkə heç vaxt müttəfiqimiz
olmayacaq. Bu sözləri ABŞ Xarici Əlaqələr Şurasının
rəhbəri Riçard Haas Tvitter hesabında yazıb.
Ekspert bildirib ki, Vaşinqton strateji olaraq beynəlxalq
siyasətini yenidən dəyərləndiməlidir:
“Əgər Türkiyə bu əməliyyatlara davam edərsə, Ərdoğanın ABŞ
səfəri ləğv edilməlidir”, - Haas bildirib.
Ankaraya daha bir etiraz Moskvadan
gəlib. Rusiya Xarici İşlər Nazirliyinin bəyanatında
deyilib ki, Türkiyənin İraq və Suriyada kürdlərə qarşı
əməliyyatları qəbuledilməzdir.
“Türk qırıcılarının aviazərbələri beynəxalq hüquqi prinsiplərə
ziddir. Bu kimi addımlar Moskvada ciddi narahatlığa yol açır”, -
açıqlamada bildirilib.
Rusiya Xarici İşlər Nazirliyinin sözçüsü Mariya
Zaxarova isə həftəlik mətbuat konfransında deyib ki, Moskva
Türkiyənin kürd qüvvələri vurmasından narahatdır.
“Ankaranın həyata keçirdiyi əməliyyatı dərin narahatlıqla
qarşıladıq. Hesab edirik ki, ABŞ beynəlxalq hüququ pozaraq Suriya
ordusuna məxsus Şayrat hərbi hava bazasını vurmasaydı, Türkiyə də
bu əməliyyatı həyata keçirməzdi. Suriyaya qarşı bu hərəkətlərə son
qoyulmalıdır”, - Zaxarova bildirib.
Lakin rəsmi Ankara əməliyyatların davam etdiriləcəyini bəyan
edib.
Türkiyәnin döyüş tәyyarәlәri aprelin 25-də Suriyanın
Karaçok vә İraqın Sincar bölgәsindәki PKK mövqelərini bombalamaqla
ABŞ-ın böyük oyununu pozub. Ankara əməliyyatla ABŞ-ın
Sincar ve Karaçok bölgələrini birləşdirərək İraq-Suriya arasındaki
sərhədi aradan götürmək planına əngəl olub.
Türkiyə ordusunun ilk dəfə vurduğu Sincar İraqın şimalında -
Türkiyə sərhədlərinə yaxın ərazidə yerləşir və Türkiyə üçün
strateji əhəmiyyət daşıyır. Çünki Sincarı “İkinci Qəndil”ə
çevirməyə çalışan PKK terror təşkilatı buranı Suriyada PYD-nin
nəzarət etdiyi kantonlarla birləşdirməyə çalışır. Buna görə də
əməliyyata uzun müddətdir ki, hazırlıq görülürdü.
Türkiyə qırıcıları Karaçok və Sincar bölgələrini bombalayaraq
terror təşkilatının kommunikasiya müəssisələrini və 70-dən çox
döyüşçüsünü məhv edib. Əməliyyatdan dərhal sonra amerikalı
komandirlər bombardman edilən ərazilərə gediblər. Daha sonra isə
ABŞ-dan “narahatıq” açıqlaması gəldi.
ABŞ-da və bölgədə olan təhlükəsizlik mənbələri Vaşinqtonun
hiyləgər planı barədə danışırlar.
“Mehmetcik”in son bombardmanlarının pərdəarxası: ABŞ-ın BÖYÜK PLANINA ZƏRBƏ - VİDEO
SSRİ və ABŞ arasında soyuq müharibədən sonra hazırda
nüvə qarşıdurması təhlükəsi yaranıb. Bu sözləri
Rusiya Federasiya Şurasının informasiya siyasəti üzrə sədri Aleksey
Puşkov Tvitter səhifəsində paylaşıb. Puşkov qeyd edib ki, bu
təhlükəni ABŞ hakimiyyəti öz siyasəti ilə geri qaytarıb.
“Soyuq müharibənin əsas nəticəsinin nüvə savaşını aradan
qaldırmaq olduğunu deyirdilər. Ancaq hər şey geri qayıtdı: ABŞ öz
siyasəti ilə bu təhlükəni qaytardı”, - Puşkov yazıb.
Qeyd edək ki, Rusiya Baş Qərargahının Baş Əməliyyat İdarəsinin
sədr müavini general-leytenant Viktor Poznixir ABŞ-ın raket
əleyhinə müdafiə sisteminin Rusiyaya qarşı gizli bir nüvə hücumu
keçirməyə imkan yaratdığı haqda ötən gün danışıb.
Beynəlxalq təhlükəsizlik üzrə VI Moskva konfransında
Rusiya Xarici Kəşfiyyat Xidmətinin direktoru Sergey Narışkin Yaxın
Şərq regionunun Qərbin geosiyasi oyununun girovuna çevrildiyini
deyib.
“Qərbin Əfqanıstan, İraq, Liviya və İranla bağlı mühakiməsiz
cəhdləri xaos və zorakılıq dalğasından başqa heç nə gətirmədi”, - o
deyib.
Narışkin qeyd edib ki, bütün dünya faktiki olaraq qlobal təhlükə
zonasına çevrilir və terror təhlükəsi xüsusilə böyük şəhərlərdə
gündəlik həyatın bir hissəsi olur.
Sergey Narışkin həmçinin deyib ki, dünyanın
təhlükəsizlik məsələləri üzrə Rusiya ilə güc diliylə danışıqlar
aparmaq cəhdləri perspektivsizdir”. O, ABŞ-ın raket
əleyhinə müdafiə üzrə müqavilədən birtərəfli çıxışı ilə Koreya Xalq
Demokratik Respublikasının (KXDR) nüvə proqramının inkişafını
müqayisə edib.
Narışkin bildirib ki, beynəlxalq qeyri-sabitlik artmaqda davam
edəcək, yeni çağırışları və təhlükələri yaranacaq. Onun sözlərinə
görə, bu təhdidlərin öhdəsindən gəlmək üçün dünya cəmiyyəti
diqqətli və ehtiyatlı addımları atmalıdır.
Qərbə SƏRT XƏBƏRDARLIQ: “Rusiyaya qarşı bu taktika...”
ABŞ hava hücumundan müdafiə sistemləri kosmik
fəaliyyətimiz üçün təhdiddir. Bunu Moskva Beynəlxalq
Təhlükəsizlik Konfransında çıxışı zamanı Rusiya ordusunun Baş
Operativ İdarəsinin rəis müavini general-leytenant Viktor Poznixir
söyləyib.
“Bu, təkcə bizim üçün yox, bütün dövlətlər üçün təhdiddir.
2008-ci ildə Pentaqon hava hücumundan müdafiə sistemləri ilə kosmik
aparatların necə məhv edilməsini nümayiş etdirib. O zaman 250
kilometr hündürlükdəki peyk Standart-3 raketi ilə məhv edilmişdi.
ABŞ həmçinin ani qlobal zərbə silahı da hazırlayır. Bu sistem
dünyanın istənilən yerində, istənilən hədəfi onun yox edilməsi
haqqında qərarın qəbulundan sonrakı 1 saat ərzində məhv etməlidir”,
– deyə o bildirib.
“Rusiya cəbhə boyu Ukraynaya genişmiqyaslı hücum
etməyəcək. Amma Kiyevi hərbi vəziyyətin tətbiqinə təhrik edə bilər.
Bu isə Rusiyaya müharibə elanı anlamına gələcək”.
Bunu Ukrayna müdafiə nazirinin sabiq müavini Yevgeni Marçuk müdafiə
və təhlükəsizlik üzrə II Ukrayna forumunda deyib.
Donbas böhranı üzrə Üçtərəfli əlaqə qrupunun təhlükəsizlik üzrə
yarımqrupunda Ukraynanın nümayəndəsi olan Marçukun sözlərinə görə,
Rusiya Ukrayna ilə sərhəddə ciddi hərbi strukturları cəmləyib.
Rusiyaya müharibə ELANI... - Moskvanın MÜHARİBƏ SSENARİLƏR
ABŞ-ın Şimali Koreya sərhədlərində hərbi təlimlərə
başlamasından sonra rəsmi Pxenyan artilleriyanı hərəkətə
keçirib. Şimali Koreya yüzlərlə tank və topu Cənubi
Koreya ilə sərhədə yeridib.
Pxenyan hər-hansı kiçik müdaxilədə müharibəyə başlayacağını
açıqlayıb.
Qeyd edək ki, ABŞ Şimali Koreyanın nüvə sınağı təhlükəsinə qarşı
hərbi gəmilərini Koreya yarımadasına yerləşdirib. Hazırda Koreya
yardımadasında ABŞ və Cənubi Koreyanın hərbi təlimləri davam edir.
Gərginlik ən yüksək səviyyədədir.
Yüzlərlə tank və top SƏRHƏDƏ YERİDİLDİ: hər an müharibə başlaya bilər - VİDEO
Bu gün Qara dənizin İstanbul boğazının girişində
Kilyos adasına yaxın ərazidə iki gəmi toqquşub.
Onlardan biri Rusiyaya məxsus “Liman”adlı hərbi gəmi, digəri isə
“Aşot-7” adlı yüş gəmisi olub. Rusiyanın hərbi gəmisindəki 78 heyət
üzvünün hamısı xilas edilib. Hər iki gəmi batıb.
Ömər Dağlı
Xəbərin orijinal ünvanı: http://publika.az/news/nida_tehlil/196723.htmlŞahid olduğunuz hadisələrin video və ya fotosunu çəkərək bizə göndərin: 0552252950 (Whatsapp)