Bakı. 28 aprel. REPORT.AZ/ Ötən il Naxçıvan Muxtar Respublikasında 2661 nikah qeydə alınıb.
"Report" muxtar respublikanın Statistika Komitəsinə istinadən xəbər verir ki, 2016-cı ildə 417 boşanma faktı baş verib.
Muxtar respublikada 2010-cu illə müqayisədə nikahların sayında azalma baş versə də, boşanmaların sayında artım qeydə alınıb.
Belə ki, qeyd olunan il 3397 nikah, 333 boşanma qeydə alınıb.
Ən çox boşanma faktı Naxçıvan şəhərində olub. Ötən il qeydə alınan 554 nikaha qarşı 135 boşanma olub.
Ən aşağı göstərici isə Sədərək və Culfa rayonları üzrə qeydə alınıb. Sədərək üzrə 91 nikah, 94 boşanma, Culfada isə 268 nikah və 25 boşanma faktı qeydə alınıb.
