Güclü külək Xaçmaz rayonunda bir sıra fəsadlar törədib.
APA TV-nin şimal bürosunun məlumatına görə, Xaçmaz şəhəri Nəriman Nərimanov küçəsində yerləşən 68 və 74 saylı 5 mərtəbəli yaşayış binasının damını külək uçurub. Həyətdə olan bir avtomobilə ziyan dəyib.
Rayonun Ağtala kəndində isə daş hasar və yardımçı tikilinin damı uçub, iki avtomobillə ziyan dəyib. Hadisə zamanı xəsarət alan olmayıb.
Güclü külək nəticəsində rayonun elektrik təsərrüfatını da ziyan dəyib, bəzi ərazilərdə ağaclar aşıb.
