Rektor: "Bakı Mühəndislik Universitetində yeni ixtisaslar açılır"

Rektor: "Bakı Mühəndislik Universitetində yeni ixtisaslar açılır"
16:32 28 Aprel 2017
134 Ölkə
Ölkə mətbuatı
A- A+

"Bu il Bakı Mühəndislik Universitetinə daha çox ölkədə tələbat duyulan mühəndislik ixtisasları üzrə qəbul aparılacaq".

Milli.Az Trend-ə istinadən xəbər verir ki, bunu Bakı Mühəndislik Universitetinin rektoru Havar Məmmədov deyib.

Onun sözlərinə görə, həmin ixtisaslara texnologiya, istehsalat müəssisələrində daha çox tələbat var.

Rektor qəbul aparılacaq 13 belə ixtisasın olduğunu söyləyib: "Hazırda logistika və nəqliyyat texnologiyaları mühəndisliyi ölkə üçün çox vacib sahədir. İnşaat profilli - memarlıq, inşaat mühəndisliyi, mexanika, maşın mühəndisliyi, istehsal proseslərinin avtomatlaşdırılması, sənaye mühəndisliyi, ekologiya mühəndisliyi kimi yeni ixtisaslar da açılır".

H.Məmmədov deyib ki, bununla yanaşı, hazırda universitetdə iqtisadi profilli 6 ixtisas üzrə təhsil davam etdiriləcək. Pedaqoji ixtisaslara qəbul isə bu ildən dayandırılıb. Pedaqoji ixtisaslar üzrə hazırda təhsil alan tələbələr isə təhsillərini davam etdirəcəklər: "Hələlik iqtisadi profilli olmayan müəllim heyəti 4 il bizimlə işlərini davam etdirəcək. Çünki bizim universitetdə təhsil 4 illikdir. Lakin ingilis dilli profilli 5 illikdir. Təbii ki, gələcəkdə mühəndislik ixtisası üçün xarici dil bilikli müəllimlərin biliyindən istifadə edəcəyik".

H.Məmmədov əlavə edib ki, yeni ixtisasların tədris olunması üçün lazım olan kadrların cəlb olunması məqsədilə Təhsil Nazirliyi ilə birgə iş aparılır.

Milli.Az

Digər maraqlı xəbərlər Milli.Az-ın Facebook səhifəsində


Xəbərin orijinal ünvanı: http://news.milli.az/country/539683.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR