Bakı. 28 aprel. REPORT.AZ/ PKK-nın Suriyadakı qolu PYD-nin nəzarəti altında olan ərazidən Türkiyənin Urfa bölgəsinin Ceylanpınar rayonunun Aksoy sərhəd polis məntəqəsi raket atəşinə tutulub.
“Report” CNNTürk-ə istinadən xəbər verir ki, Türkiyə Silahlı Qüvvələrinin cavab atəşi nəticəsində 11 terrorçu məhv edilib.
Həmin terrorçulardan 3-ü qumbaraatandan, 8-i isə yük avtomobillərinə quraşdırılan DOÇKA-dan atəş açıb.
Qeyd edək ki, terrorçular aprelin 27-də də Suriya ərazisindən Türkiyənin adı çəkilən bölgəsini atəşə tutublar.