BŞH-nın əməkdaşları xeyriyyə məqsədi ilə “Bakı Marafonu 2017”də iştirak edəcəklər

BŞH-nın əməkdaşları xeyriyyə məqsədi ilə “Bakı Marafonu 2017”də iştirak edəcəklər
17:22 28 Aprel 2017
71 İdman
Ölkə mətbuatı
A- A+

Bakı. 28 aprel. REPORT.AZ/ Bakı Şəhər Halqası Əməliyyat Şirkətinin (BŞH) 23 əməkdaşı “Bakı Marafonu 2017”də iştirak edəcək. Qurumdan “Report”a verilən məlumata görə,“Sağlamlıq naminə qaç!” devizi altında marafona qoşulan BŞH-nin əməkdaşları qaçış kampaniyası çərçivəsində toplanan vəsaiti ürək çatışmazlığından əziyyət çəkən 9 yaşlı Leyla Rəfizadənin əməliyyatı üçün sərf edəcəklər.
Əməliyyat şirkəti 2016-cı ilin dekabrında keçirilmiş “Soyuq əllər, isti ürək” kampaniyası çərçivəsində “Sən də yardım əlini uzat!” devizi altında ürək çatışmazlığından əziyyət çəkən azyaşlı Zeynəb üçün 3500 manat vəsait toplamışdı. İndiki kampaniya çərçivəsində isə şirkət Leylanın ürək əməliyyatı üçün tələb olunan 3500 manatlıq vəsaiti yığmağa çalışır. Toplanan vəsait əməliyyata sərf olunması üçün “Uşaqların Xoşbəxt Gələcəyi” İctimai Birliyinə təqdim olunacaq.
Qeyd edək ki, aprelin 30-da keçiriləcək “Bakı Marafonu 2017” saat 10:00-da start götürəcək. Heydər Əliyev Fondunun təşəbbüsü ilə ikinci dəfə keçiriləcək marafon Dənizkənarı Bulvar İdarəsi və Bakı Olimpiya Stadionunun dəstəyi ilə təşkil olunacaq. Layihənin icrasını isə SMG şirkəti həyata keçirir.



Xəbərin orijinal ünvanı: https://report.az/futbol/bsh-nin-emekdaslari-xeyriyye-meqsedi-ile-baki-marafonu-2017-de-istirak-edecekler

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR