Qadın voleybolçular arasında klublararası dünya çempionatının püşkü atılıb.
Milli.Az apasport.az-a istinadən xəbər verir ki, mayın 8-14-də Yaponiyanın Kobe şəhərində keçiriləcək mundialda 8 komanda 2 qrupa bölünüb.
A qrupunda "Dinamo" (Rusiya, Moskva), "Hisamitsu" (Yaponiya), "Rexona Sesc" (Braziliya) və "Vakıfbank" (Türkiyə) mübarizə aparacaq. B qrupunda isə "Əczaçıbaşı" (Türkiyə), NEC (Yaponiya), "Osasko" (Braziliya) və "Volero" (İsveçrə) qüvvəsini sınayacaq.
Qeyd edək ki, indiyədək 10 dəfə keçirilən yarışda Azərbaycanın "Rabitə" klubu 2 dəfə təmsil olunub. Artıq mövcud olmayan komanda 2011-ci ildə mundialın qalibi olduğu halda, 1 il sonra gümüş medalla kifayətlənib.
Milli.Az
