Şəhriyar Məmmədyarov növbəti dəfə heç-heçə edərək liderliyini qoruyub

Şəhriyar Məmmədyarov növbəti dəfə heç-heçə edərək liderliyini qoruyub
22:02 28 Aprel 2017
54 İdman
Ölkə mətbuatı
A- A+

Bakı. 28 aprel. REPORT.AZ/ Mərhum qrossmeyster Vüqar Həşimovun xatirəsinə həsr olunmuş "ShamkirChess 2017" turnirində VII tura yekun vurulub.
"Report"un məlumatına görə, turun heç bir görüşlərində qalib gələn olmayıb.
Azərbaycan təmsilçilərindən Şəhriyar Məmmədyarov ağ fiqurlarla ingiltərəli Maykl Adamsla, Teymur Rəcəbov bolqar Veselin Topalovla heç-heçə edib. Pavel Elyanov (Ukrayna) - Uesli So (ABŞ), Sergey Karyakin (Rusiya) - Vladimir Kramnik (Rusiya) və Pentala Harikrişna (Hindistan) - Radoslav Voytaşek (Polşa) qarşılaşmaları da eyni hesabla nəticələnib - 0,5:0,5.
Yeddi turdan sonra Məmmədyarov 5 xalla liderdir. Hərəyə 4 xala malik Topalov, So və Adams 2 - 4-cü yerləri bölüşür. Elyanov 3,5 xalla 5-ci pillədə qərarlaşıbsa, Kramnik, Karyakin, Rəcəbov və Voytaşek 3 xalla 6 - 9-cu, Harikrişna 2,5 xalla 10-cu yerdədir.
Aprelin 29-da keçiriləcək 8-ci turda Voytaşek Məmmədyarovla, So Rəcəbovla, Kramnik Adamsla, Topalov Harikrişna ilə, Karyakin isə Elyanovla üz-üzə gələcək.

Xəbərin orijinal ünvanı: https://report.az/ferdi/sehriyar-memmedyarov-novbeti-defe-hec-hece-ederek-liderliyini-qoruyub

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR