Kanadada 2 hektarlıq ərazi satışa çıxarılıb. Bu ərazi köhnə avtomobillərin qəbiristanlığı kimi istifadə olunur. Bu daşınmaz əmlakı alan şəxs, həmçinin 340 avtomobilə sahib olacaq. Elan daşınmaz əmlakın alqı-satqısı ilə məşğul olan Century 21-in saytında yerləşdirilib.
Milli.Az auto.a-z-a istinadən bildirir ki, satışa çıxarılan ərazidə yaşayış evi, 83 kvadratmetrlik qaraj, 111 metrlik anqar, o cümlədən 743 kvadratmetrlik daha bir infrastruktur tikmək üçün lazım olacaq materiallar var. Elanda, həmçinin bildirilir ki, ərazidəki avtomobillərin qiyməti 370-dən 26 min dollaradəkdir.
Bu ərazinin qiyməti 1 milyon 450 min Kanada dollarıdır. Bu, təxminən 1 milyon ABŞ dolları deməkdir.
Mili.Az
Digər maraqlı xəbərlər Milli.Az-ın Facebook səhifəsində
