ABŞ qoşunları türk hərbçiləri və PYD-YPG silahlıları (PKK-nın Suriya qolu) arasında insidentlərin qarşısını almaq məqsədilə Suriya-Türkiyə sərhədini patrul etməyə başlayıb.
APA-nın xəbərinə görə, bu barədə “Wall Street Journal” nəşri ABŞ rəsmi şəxslərinə istinadən məlumat yayıb.
“ABŞ qüvvələri İŞİD-lə mübarizədəki səyləri heçə endirə biləcək insidentlərin qarşısını almaq və bölgədə stabilliyi təmin etmək məqsədi ilə Suriyanın şimalında keşik çəkməyə başlayıb”, - deyə nəşr beynəlxalq koalisiya qərargahının nümayəndəsi Con Dorriana istinadən bildirir.
