"Bakı Marafonu"nun bürünc mükafatçısı: Bu, ən yaxşı marafondur

"Bakı Marafonu"nun bürünc mükafatçısı: Bu, ən yaxşı marafondur
12:36 30 Aprel 2017
77 İdman
Ölkə mətbuatı
A- A+

Bakı. Vüqar İmanov - Trend:

Vladimir şəhərindən olan rusiyalı qaçışçı Vladislav Demyanov "Bakı Marafonu 2017"də üçüncü yeri qazanıb. Bürünc mükafatçı Trend-ə bildirib ki, ilk dəfədir "Bakı Marafonu"nda iştirak edir.

O deyib: "Bu, ən yaxşı marafondur. Hər şey əla təşkil olunub. Əla tras, atmosfer var. Tamaşaçılar mehribandır".

Qeyd edək ki, bu gün Heydər Əliyev Fondunun təşəbbüsü ilə növbəti Bakı Marafonu keçirilib.

Marafon Dənizkənarı Bulvar İdarəsi və Bakı Olimpiya Stadionunun dəstəyi ilə təşkil olunub. Dövlət Bayrağı Meydanından start götürən marafon Bakı Olimpiya Stadionuna qədər 21 kilometr məsafəni əhatə edib.

Xatırladaq ki, Bakı Marafonu ilk dəfə 2016-cı il mayın 1-də təşkil olunub və 7000 nəfərdən çox iştirakçısı olub.

"Bakı Marafonu"nun məqsədi idmanın inkişafına dəstək göstərmək, sağlam həyat tərzini təbliğ etmək, insanları xeyirxah amallar üçün bir araya gətirməkdən ibarətdir. Marafon "Küləyə qalib gəl" şüarı altında keçirilir.

"Bakı Marafonu 2017"dən toplanan vəsait Heydər Əliyev Fondunun uşaq evləri üzrə həyata keçirdiyi layihəyə yönəldiləcək.


Xəbərin orijinal ünvanı: http://az.trend.az/azerbaijan/sports/2748328.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR