Bakı. Masim Tsurkov - Trend:
Rusiyalı idmançı Arina Averina Bakıda keçirilən bədii gimnastika üzrə Dünya Kubokunda qızıl medal qazanıb.
Trend-in məlumatına görə, o, finalda halqa ilə hərəkətlərin yekunu üzrə 18.800 bal yığıb.
Gümüş medal da rusiyalılara qismət olub - Aleksandra Soldatova 18.450 bal nəticə göstərib. Üçüncü yerin sahibi isə Belarus gimnast Alina Qornosko olub - 17.650 bal.
Qeyd edək ki, bu gün Bakıda bədii gimnastika üzrə FIG Dünya Kubokunun üçüncü - sonuncu günündə fərdi gimnastların halqa, top, gürzlər və lentlə, eləcə də qrup komandalarının 5 halqa, 3 top və 2 iplə hərəkətləri üzrə final yarışları keçirilir.
Ölkəmizi bu turnirdə yeniyetmələr proqramında Avropa çempionatının gümüş və bürünc medalçısı Jalə Piriyeva, istedadlı gimnast Zöhrə Ağamirzəyeva, həmçinin Avropa çempionatının qrup hərəkətləri komandasının tərkibində gümüş medalçıları Siyana Vasileva, Diana Doman, Aleksandra Platonova, Ayşən Bayramova və Elif Zeynep Celep təmsil edirlər.
