Türkiyənin Adana şəhərinin Ceyhan mahalında baş verən silahlı insident zamanı bir ailənin 4 üzvü ölüb, 9 yaşlı uşaq isə yaralanıb.
Metbuat.az bildirir ki, ailə üzvləri arasında yaşanan mübahisə münaqişə xarakteri alıb. Bu zaman Yusif A. adlı şəxs tapança ilə ətrafdakılara atəş açmağa başlayıb. Nəticədə onun 2 qardaşı və onların həyat yoldaşları həyatını itirib.
Hadisənin ardından həmin silahla özünü də öldürmək istəyən şəxs polis tərəfindən ələ keçirilib. Faktla bağlı araşdırmaya başlanılıb.
Orxan / Metbuat.az