Goranboy-Goran avtomobil yolunda sürücünün xəsarət alması ilə nəticələnən yol qəzası baş verib.
Milli.Az APA-ya istinadən xəbər verir ki, Goran qəsəbə sakini, 1963-cü il təvəllüdlü İsgəndərov Mobil Ələddin oğlu idarə etdiyi "VAZ 21099" markalı avtomobillə hərəkətdə olarkən idarəetməni itirib və maşın yolun kənarına aşıb.
Qəza zamanı sürücü yüngül bədən xəsarətləri alaraq Gornaboy rayon Mərkəzi xəstəxanaya yerləşdirilib. Vəziyyətinin normal olduğu bildirilir. Məlumata görə, qəzaya səbəb sürücünün sərxoş olması olub.
Faktla bağlı hüquq mühafizə orqanları tərəfindən araşdırma aparılır.
Milli.Az
Digər maraqlı xəbərlər Milli.Az-ın Facebook səhifəsində