Bakı. 1 may. REPORT.AZ/ Ötən sutka ərzində Əfqanıstanın müxtəlif əyalətlərində aparılan anti-terror əməliyyatları zamanı azı 43 silahlı məhv edilib.
"Report" xəbər verir ki, bu barədə ölkənin Daxili İşlər Nazirliyi məlumat yayıb.
Məlumata görə, əməliyyatlar ölkənin Kunar, Vardak, Nanqarhar, Zabul, Loqar və Kunduz əyalətlərində aparılıb. Nəticədə 17-si İŞİD terrorçusu olmaqla, 43 silahlı zərərsizləşdirilib. Əməliyyatlar zamanı silah və döyüş sursatları götürülüb.